Dulurna
Incu: "Ki, ari puting beliung teh dulurna puting susu sanes?"
Aki: "Ngahuleng!"
Ati Wulandari
Jl. Moh. Ali No.85
Kec. Ciranjang - Cianjur 43282
Si Horeng Teh
"Si horeng teh lain ngan saukur aya kawin massal jeung korupsi massal wungkul tapi aya geuning kasurupan massal nu anyar keneh di Jember, Jawa Timur!"
Ati Wulandari
Jl. Moh. Ali No.85
Kec. Ciranjang - Cianjur 43282
Sarua Bolonna
Budak 1: "Kuring mah teu ngarti ku indung kuring, unggal kuring menta dahar jeung sambel sok dicarekan wae"
Budak 2: "Meureun we da lada atuh sambel mah... hayoh deuih nyeri beuteung!"
Budak 1: "Ah da tara lada-lada teuing sambelna oge!"
Budak 2: "Naha atuh?"
Budak 1: "Ngan kitu... mun dahar jeung sambel teh kuring mah kudu aya wae lalabna, dagingna, atina, jeung endogna!"
Budak 2: "Bener aneh nya indung maneh mah?"
Hikmat
Wartawan
Pipik: "Geus gawe naon maneh ayeuna, asa jarang panggih?"
Aso: "Jadi wartawan euy... sibuk!"
Pipik: "Ah... euweuh duitan wartawan mah!"
Aso: "Kajeun ah... jeung deui wartawan mah tugasna neangan berita lain neangan duit!"
Pipik: "Ih, ari maneh teu bisa diajak heureuy!"
Hikmat
Bejana
"Bejana majalah tempo disiomay ku Aburijal Bakri?"
"Lain disiomay atuh. Disomasi kitu!"
Ena Rs
Sidamulya, Bj. Gedang, Rch.
Gagah
Horeng Si Mandra teh najan artis manehna mah gagah. Eta we sok aya paribahasa sakti mandraguna.
E Ena Rs
Sidamulya, Bj. Gedang, Rch.
Teu Kabikeun
Mang Turdi baheula mah sok maen kuda lumping. Tapi geus lila eureun. Pangna eureun cenah lantaran kuda lumpingna teu beukieun deui beling, hayang wae huut. Ari huut pan kudu meuli. Kalah matak bondos. Diantep. Paeh we si kuda lumping teh.
Ena Rs
Sidamulya, Bj. Gedang, Rch.
Salah Sangka
Kuted: "Heran kuring mah euy, unggal nu ngaliwat ka handapeun tangkal kadu kuring, sok ngarandeg heula. Tuluy tanggah... kabitaeun meureun nya?"
Cumlun: "Lain kabitaeun tanggah teh, ulah waka salah sangka!"
Kuted: "Lamun lain kabitaeun naon atuh?"
Cumlun: "Sieuneun kaduna ninggang kana hulu... deuleu, sok ajaran ku maneh!"
Kuted: "Oooh... kitu, sugan teh!"
Hikmat
Pegat
Izal: "Pegat... pegat...!"
Noer bari lumpat: "Aya naon? Aya bangsat? Lumpat ka mana bangsatna?"
Izal: "Sanes bangsat, ieu bohlam pegat!"
Noer: "Ari maneh, ngareureuwas wae kolot keur sare teh, bohlam pegat wae kudu gogorowokan sagala?"
Izal: "Sieun... atuda poek!"
Hikmat
Pangalaman Menarik
Incu: "Naon tah Ki, pangalaman menarik aki keur ngora baheula?"
Aki: "Nu puguh mah harita teh aya mobil tiguling ka jurang tuluy ku aki rame-rame jeung babaturan ditarik nepika mobil bisa ka angkat deui ka tonggoh. Eta we meureun pangalaman menarik aki mah jang!"
Ence Sumirat
Perum Kota Baru
Blok C3 - 32 Kec. Cisaku
Cianjur 43285
Pajabat Teras
"Basa aya pajabat teras ti Legok Nyentil ngalongok ka Mang Doing, salah saurang tokoh oposisi ti Barisan Leklok alias Balok tangtuna oge Mang Doing ngaku pisan ka semah bari pokna teh, mangga lebet ka bumi". Ngadenge kitu pajabat teras teh kompak ngajawab, mangga. Teu kedah ka lebet pajabat teras mah ceukap we calikna oge dina teras!"
Ence Sumirat
Perum Kota Baru
Blok C3 - 32 Kec. Cisaku
Cianjur 43285
Balik Deui
Obed: "Jelema jaman ayeuna, hususna dikalangan para artis awewe, tetela geuning loba anu baralik deui ka jaman maranehna keur orok!"
Unen: "Na kumaha kitu?"
Obed: "Heueuh, bareto mangsa maranehna keur orok henteu areraeun bubulucunan atawa ditaranjang ukur mamake cawet jeung kaos sangsang. Ayeuna sanggeus maranehna dewasa, bubulucunan deui wae nembong-nembongkeun..."
Unen: "His ari taun teh! Pan ilaing ge resep ka nu kitu teh, lin?"
Agus B. Irawan
Kp. Cisarua RT 02/16 Desa Neglasari
Cisompet - Garut 44174
Gajih Buta
Kabayan: "Pantesna Si Kardun tereh pisan beungharna, da cenah sok ngahakanan gajih buta!"
Iteung: "Iyyy...! Lain, dikumaha ngalana nya, pan buta teh bangsa jurig alias dedemit, lin?"
Agus B. Irawan
Kp. Cisarua RT 02/16 Desa Neglasari
Cisompet - Garut 44174
Rumah Makan "Wilujeng Sumping"
Sanggeus datang deui di Papua, sobat kuring urang Papua asli nyaritakeun pangalamannana ka kuring sakulawarga salila utrak-atrek di Bandung.
Sobat: "Bapa, salami kuring tingali di Bandung meh unggal poe dahar di rumah makan wilujeng sumping. Geuning urang bareto kungsi dahar di dinya!"
Kuring (bari seuri): "Yeuh Pa, itu mah rumah makan Sindang Reret... lain wilujeng sumping."
Sobat: "Ari eta unggal urang asup ka dinya, geuning aya tulisan wilujeng sumping; naon hartina?"
Kuring: "Pa, ari wilujeng sumping teh hartina selamat datang keur ngawilujengkeun atawa ngabageakeun ka nu ngadon daratang ka dinya."
Sobat: (bari mabuk sirahna) "Oh... ada harus... sa pikir juga... ko banyak sekali rumah makan wilujeng sumping?" (Oh... paingan... ceuk pikir teh, geuning rumah makan wilujeng sumping teh mani di unggal tempat aya...!)
Endang M. Suhandanie - Jayapura
Abong Budak
Ibu 1: "Budak kuring mah teu beukieun dahar jeung bihun."
Ibu 2: "Naha?"
Ibu 1: "Eta majarkeun teh buuk ninina diasakan."
Ibu 2: "Abong budak nya..."
Sakola Pertanian
Pa Dudung: "Abong sakola pertanian nya, nanaon teh pasti wae hubunganana teh jeung tatanen."
Pa Dani: "Nya naon kitu?"
Pa Dudung: "Itu budak nu keur sakola di jurusan pertanian meunang beasiswa ti kampusna..."
Pa Dani: "Alus atuh meunang beasiswa mah, batur mah pahayang-hayang."
Pa Dudung: "Nyaeta oge katarimana mah, ngan ari sangkaan teh bakal duit atawa bebas biaya kuliah."
Pa Dani: "Ari kitu naon?"
Pa Dudung: "Budak kuring mah meunang Beas wae dua karung."
Pa Dani: "Nya meureun da milihna jurusan pertanian, coba mun jurusan nu lain mah."
eroris Uja: "Beunang ayeuna mah teroris teh!"
Uje: "Saha Ja?"
Uja: "Bongan atuh, neror teh beurang jeung peuting!"
Uje: "Nya saha atuh? Amrozi tea?"
Uja: "Lain!"
Uje: "Sok bejakeun ka kuring saha? Nurdin Top? (beuki panasaran)
Uja: "Eta ge lain!"
Uje: "Saha atuh?"
Uja: "Eu... eta beurit!"
Uje: "Hanas didangukeun serius"
Achmad Faisjal
Jl. Magung Lebak No.9 RT 01/09
Manggungharja - Ciparay
Kab. Bandung 40381
Bisi Morosot
Incu: "Tadi Ki, dina berita tipi, aya pejabat anu pidato saurna teh, kita harus mengencangkan ikat pinggang dengan kenaikan BBM. Naha nya Ki, ku naekna BBM make make kedah mageuhan beubeur?"
Aki: "Apan eta Cu, bisi calana morosot, hayoh we kawiwirangan"
Incuna olohok teu ngartieun.
Yusuf Hernawan
Bekasi Timur
Bebas Banjir
Aya iklan ti hiji pengembang, yen perumahan anu dibangunna bebas banjir. Dina waktuna hujan eta perumahan teh kakeueum. Penghunina unjuk rasa ka kantor pengembang. Ku direktur pengembang diterangkeun yen bener bebas banjir, jadi banjir teh bebas kamana wae, teu disalelewek wungkul. Nu demo bubar.
Yusuf Hernawan
Bekasi Timur
Lagu Nostalgia
Malem minggu biasa 'al-goflihun' alias gapleh di pos ronda ngusir tunduh. Sabot keur 'husu' mikir, Kang Jaja tuturubun rek indit. Ditanya teh bet kalah ka ngahaleuang lagu nostalgia tea, "... jangan ditanya ke mana aku pergi..."
Sarerea curinghak. Boa kaasupan lelembut kang Jaja teh.
"Rek kamana maneh, Ja?" ceuk Bah Boing.
"Ka tukang heula hayang sawer-wereun!" pokna.
"Sugan kami teh aya jurig nyurup."
Wawan Sudarwan
SMPN 1 Pagaden Subang 41252
Sawala Krisis
Geus saminggu para ahli ti madhab papat ngayakeun sawala di hiji hotel mewah. Nu jadi bahan sawala nyaeta kumaha carana ngungkulan pasualan krisis ekonomi nu cenah bakal karandapan taun 2009. Pamilon sawala teh rupa-rupa jalma ti rupa-rupa profesi jeung kaahlian masing-masing. Teu kurang sarjana malah aya profesor.
Salasaurang pamilon sari-sari ti pakampungan, basajan jeung eta ku taya guam dina sawala teh. Gawe nundutan, tara nyarita, tara tulas tulis. Jajauheun debat siga nu lian.
Hiji waktu pamingpin sawala nanya.
"Cik Bapa itu tuh nu di juru. Kumaha pamanggih bapa Bapa sual krisis jeung cara-cara ngungkulanana. Tong ngabetem wae atuh, Pa!"
Sanggeus ngadehem pok nu ditanya teh nyarita anca tapi jentre, "Kuring hadir soteh bane wae dijurung ku ketua, wawakilan ti organisasi tani. Pamanggih kuring, ieu sawala nu ongkosna mahal teh taya gunana, mubadir kacida. Kuring lain tukang ngomong komo parea-rea omong. Kuring mah bulu taneuh. Ieu waktu saminggu lebar pisan ka piceun teu puguh. Lamun di lembur saminggu teh mangpaatna kacida keur tatanen jeung ngurus ingon-ingon. Lamun ieu sawala dibikeun keur kuring pikeun modal tatanen, bakal cukup keur dahar salembur satauneun mah.
Teu kudu loba carita...
Jempling teu aya nu wani ngadebat. Ger weh kabeh pamilon surak panuju. Sawala dibubarkeun!
Wawan Sudarwan
SMPN 1 Pagaden Subang 41252
Salah Niat
Satadina mah budak teh sugan we mikir ari dikawinkeun mah. Eh, geus kawin gawena kalah huleng jentul. Digeunggeureuhkeun sangkan aya gadag kawas batur, tembalna teh: "Huleng jentul soteh keur mikir hayang kawas batur ieu ge..."
Heueuh, tapi lila teuing mikirna, euweuh nu dipigawe. Dasar salah paniatan! Sugan mikir teh enya we mikir unggal poe. Mikir wungkul!
Ena Rs
Sidamulya, Bj. Gedang, Rch.
Naek Turun
Mang Ato rek manggul karung. Barang karung nepi kana taktakna, na atuh kolorna morosot. Tuluy digaronjak, majar teh: "Karung naek, kolor turun..."
Ena Rs
Sidamulya, Bj. Gedang, Rch.
Sing Percanten
Saru saurang psikolog, sing saha wae nu rajin maca barakatak minimal sadinten sakali, rarayna bakal katingal cahayaan, teu gampang stres, someah ka sasama, sarta tebih tina panyakit pikun. Sing percanten!
Ena Rs
Sidamulya, Bj. Gedang, Rch.
Kitu Ge
Di hiji halteu beus aya plang: BUANGLAH SAMPAH PADA TEMPATNYA. Tapi di dinya euweuh tempat sampah. Iseng ku kuring di tulisan: KITU GE MUN AYA TEMPAT SAMPAHNA!
Ena Rs
Sidamulya, Bj. Gedang, Rch.
Kaduruk Janggot
Kuring keur anteng ngabandungan berita tipi, anu keur nyiarkeun kasus di Kejaksaan Agung. Solongkrong incu ge nyampeurkeun, diuk gigireun. Sanggeus incu diuk, aya berita kieu: "Dengan kejadian ini, kajagung Hendraman Supandi kebakaran jenggot". Geus kitu lol gambar Hendrawan Supandi keur diwawancara.
Incu nanya ka kuring:
"Ki, itu Hendraman Supandi teh?" bari nunjuk kana tipi.
"Enya"
"Geuning teu jenggotan?"
"Naha kitu De?" kuring malik nanya.
"Pedah tadi we, saur penyiar, Hendraman Supandi teh kebakaran jenggot cenah, tapi pan teu janggotan, tuh tingali ku Aki" bari nunjuk kana tipi.
Ku kuring dijawab sangeunahna: "Eta meureun seep jenggotna, pan tos ka duruk tea"
Yusuf Hernawan
Jl. Nusa Indah III No. 292
Margahayu - Bekasi Timur 17113
Balik Heula
"Gede atuh mawa duit teh balik gawe ti Arab mah?"
"Ah, sarua we jeung di dieu, malah lamun dipikir-pikir mah asa mending keneh gawe di nagri sorangan."
"Har, naha bisa kitu?"
"Nya eta ge gede mah gede gajina, tapi dahareunana oge sarua marahalna. Jadi mun sakalieun lapar toh sok ngahaja balik heula ka Indonesia."
"???"
Zeni
Dago - Bandung
Pemilu Taun Ayeuna
"Urang mah teu ngarti ku pemilu caleg taun ayeuna!"
"Teu ngarti palebah manana?"
"Heueuh, omong cenah ceuk panitia teh mun nyontreng teh kudu hiji, da lamun leuwih ti hiji mah jadi teu sah, ari ieu bet dibere opat, jadi rieut pan kana sirahna ge waktu aya di TPS teh."
"Heueuh sarua lieur ku peraturan pemilu taun ayeuna mah."
Zeni
Dago - Bandung
Bocoran
Murid A: "Waktu UAN kamari urang mah meunang bocoran euy tina SMS ti babaturan. Yakinlah urang bakal lulus."
Murid B: "Urang ge sarua, tapi tina keretas sacewir di papay-papaykeun ka unggal bangku. Optimis urang ge lulus"
Murid C: "Ari urang mah meunang bocoran teh kalah ripuh euy, cipruk we nu aya lain atoh..."
Murid A+B: "Naha, bocoranana teu bisa dipercaya?"
Murid C: "Lain, waktu keur ngerjakeun soal-soal UAN, bret hujan turun gede pisan. Ti para loba nu bocor mani ngagorontor, ma'lum wae da wangunan sakolana geus lima puluh taun can direhab."
Murid A+B ukur carolohok.
Oto
Mang Otong meuli mobil colt bak kaluaran taun 78. Mobil heubeul, pantes mun geus butut oge. Dasar Mang Otong, dina kaca mobilna ditulisan "OTO BARETO".
Ena Rs.
Sidamulya, Bj. Gedang, Rch.
Kaos Partey
Dina mangsa pemilu, kuring, pamajikan jeung dua urang budak nu geus mangsa milih, bakal ngadukung partey nu beda. Maksud mah sangkan meunang rupa-rupa... kaos partey!
Ena Rs.
Sidamulya, Bj. Gedang, Rch.
Gering Nangtung
Ujang: "Ma, nu kumaha nu disebut gering nangtung teh?"
Ema: "Eu... Jalma gering tapi embung diuk, sok komo dititah ngagoler mah."
Ujang: "Ih, geuning aya jalma gering tapi bandel nya?"
Tehas FB - Bandung
Cewek Komersil
"Tuh tingali... cewek komersil."
"Naon da eta mah WTS."
"Heueuh cewek komersil!"
Tehas FB - Bandung
Ideu
"Abdi gaduh ideu, sangkan PERSIB ulah kaasupan wae."
"Cik-cik-cik..., kumaha tah?"
"Husus kanggo PERSIB... ulah ngangge gawang!"
"Siah!"
Tehas FB - Bandung
Pikiraneun
Hiji peuting kuring kadatangan saurang bangsa jin. Manehna protes. Pokna: "Kuring kacida keuheulna ka bangsa manusa. Na ari ka bangsa kuring, pira ge niup ceuli atawa noel bujur nepi ka tega diasupkeun kana jero kendi. Ari para koruptor nu geus nyangsarakeun rahayat... bet diarantep!"
Pikiraneun tah!
Tehas FB - Bandung
Obral
TK Dagang: "Obral... obral... obral murah!"
Nu rek meuli: "Mana Mang, geuning barangna euweuh, kalakah we gogorowokan?"
TK Dagang (kalem): "Barangna mah di imah keneh... beurat atuh da ari dibabawa mah!"
Nu rek meuli: "Sugan gelo jelema teh...!"
Hikmat
Bobogohan
Susi: "Abdi mah hayang Akang jujur... Akang teh bogoh ka Susi atawa ka awewe itu?"
Aso: "Naha ari Susi nanya teh ka mana wae. Yeuh Akang mah dek sumpah! Kabogoh Akang mah Susi!"
Susi: "Nya sukur atuh ari kitu mah, ari awewe itu saha atuh?"
Aso: "Eta mah... pamajikan Akang!"
Susi kapiuhan!!!
Hikmat
Pengembang
Aki Cumlun: "Bagja... pun anak nu kahiji ayeuna mah jadi pengembang di Jakarta. Ngagarap proyek perumahan mewah!"
Aki Kuted: "Ih... ulah lepat pun anak oge sami teu acan lami ieu janten pengembang di Bandung!"
Aki Cumlun: "Kutan... di Bandung na di mana, ngagarap proyek nu di mana?"
Aki Kuted: "Itu geuning di Jl. Wastukencana!"
Aki Cumlun: "Euh... eta mah atuh tukang kembang... sugan teh heueuh!"
Hikmat
Kecap Bituna Rasa
Guru: "Cong nyembah; belenyeng lumpat; bral indit. Tah barudak kecap-kecap anteuran, malah aya oge anu nyebut "Kecap Bituna Rasa", malah ku salah saurang dosen di paguron luhur mah diterjemaahkeun kana bahasa Inggris jadi "Jumper Words". Cing ayeuna maraneh anu nambahan kecap-kecap anu dianteurna. Ocim, cing pek ieu ku Ocim sampurnakeun Jung... belenyeng..."
Ocim: "Jung nangtung, belenyeng lumpat."
Guru: "Bener, Cim. Cing ayeuna ku Dodo."
Dodo: "Bluk nyuuh, blak nangkarak, dut hitut."
Guru: "Bener Do! Cing ayeuna ku Momon, barakatak... nyot... belenyeng."
Momon: "Barakatak seuri, nyot udud, belenyeh imut."
Guru: "Alus Mon, cing ayeuna ku Emen. Gek... Regot... Pok..."
Emen (Ngajawabna rada malaweung da rada nundutan deui): "Gek dahar, regot sare, pok nulis."
Guru: "Sibeungeut heula kaditu ka cai ambeh rada cenghar!"
Emen kulamas kelemes campur era da rumasa teu ngabandungan.
Rabu, 07 Oktober 2009
"Browser" Alternatif untuk HP
BERSELANCAR di dunia maya dengan memanfaatkan peranti genggam seperti handphone (HP) maupun smartphone kini kian mudah dan tak lagi jadi monopoli PC. Tentu saja syaratnya harus terpenuhi seperti HP yang digunakan telah mendukung komunikasi data saluran GPRS maupun 3G atau HSDPA. Satu lagi yang tidak boleh absen, peranti lunak untuk menjelajah halaman web yang lazim kita kenal sebagai browser.
Sekarang ada banyak aplikasi berbasis Java, sebut saja Opera Mini. Ucweb, Teashark, dan yang lainnya. Pada kesempatan kali ini kita akan membahas tentang browser alternatif di HP. Biasanya browser bawaan memiliki fitur yang sangat terbatas malah terkesan seadanya. Berikut ini browser yang bisa Anda pilih sebagai alternatif dari browser yang telah ada di HP sebelumnya.
1. Teashark
Aplikasi Teashark browser ini sifatnya masih beta (uji coba) jadi masih banyak dijumpai kekurangannya tetapi secara keseluruhan lumayan nyaman untuk membuka halaman web dengan gaya tampilan mirip di browser versi desktop. Menggunakan kursor tetikus (mouse) untuk navigasi. Juga tersedia modus landscape, RSS feeds serta modus search situs Yahoo serta Google. Untuk mengunduhnya bisa langsung melalui browser Anda yang telah ada di HP dengan mengetikkan http://wap.teashark.com/ atau dengan mengunduh langsung melalui PC dengan mengetikkan http://teashark.com/static/downloads/TeaShark-419.jad. Jika HP Anda tidak mendukung format file .JAD, bisa mengunduh file versi .JAR nya dengan mengikuti link http://teashark.com/static/downloads/TeaShark-419.jar. Lalu file tersebut dipindahkan dari harddisk PC Anda ke HP baik melalui inframerah, kabel data, maupun bluetooth untuk selanjutnya di-install pada HP Anda.
2. Ucweb Browser
Browser ini diperkenalkan pertama kalinya di negeri tirai bambu Cina, dan mendapat sambutan baik dalam waktu yang tidak lama. Sama seperti Opera Mini, browser ini melakukan kompresi file yang terbilang efektif. Sehingga membuka halaman web di HP bukan lagi momok yang menakutkan. Ucweb yang telah mencapai versi 6.3 ini memiliki kelebihan pada tampilan yang menarik serta tanpa settingan awal yang membingungkan.
Kelebihan lain yang dimiliki browser ini adalah kecepatan mengunduh serta menampilkan halaman web yang melebihi Opera Mini. Hal ini bisa dirasakan saat melihat halaman penuh dengan gambar. Bahkan jika dibandingkan dengan Opera saat mengakses situs mobile, bukan web. Demikian juga saat melakukan mengunggah (upload) foto ke situs jejaring sosial. Proses ini berlangsung relatif lebih cepat dibanding menggunakan Opera Mini. Untuk mendapatkan uceweb ini bisa menuju alamat http://www.uc.cn/English/download.shtml. Juga dapat langsung mengunduh via "HP" dengan mengunjungi http://wap.uc.cn/
3. Opera Mini
Opera Mini menawarkan kompresi file yang lebih efektif sehingga saat membuka halaman web akan terasa lebih mudah di layar HP. Opera Mini tersedia untuk HP berbasis Java dan tentunya dapat diunduh langsung dari browser Anda dengan memasukkan link http://m.opera.com. Untuk menampilkan web dengan opera Mini secara optimal, kita diharuskan untuk mengutak-atik sejumlah parameter yang berhubungan dengan tampilan. Misalnya ukuran font, kualitas gambar, efek layar dasar, dan sebagainya.
4. Hanghai browser
Hanghai adalah browser HP dari negeri Cina. Browser ini memiliki 2 versi yang, yaitu versi terbarunya Hanghai v3.61 Java dan Hanghai v3.67 Symbian 3rd. Fitur yang ada pada browser ini yaitu : Mendukung penjelajahan halaman web dan wap dengan multi windows, kompresi halaman serta kemampuan untuk mengunduh file. Sebelumnya aplikasi ini berbahasa Mandarin, namun jangan dulu menyerah, untungnya sudah ada yang menerjemahkannya menjadi bahasa Inggris. Untuk mengunduhnya tinggal mengetikkan http://www.pda4x.com/read.php?tid=97953. Unduh serta install file HangHai_367.sisx, selanjutnya unduh juga file Hanghai3.zip untuk selanjutnya di ekstrak menuju folder system/apps/hanghai3.
5. Bolt Browser
Fitur yang ada adalah kecepatan browser tanpa kompresi halaman, jadi tampak seperti pada komputer, memiliki kemampuan untuk menangani video streaming, menonton video online seperti YouTube di HP, browsing wap dan web. Browser ini masih versi beta, jadi masih ada bug-bug pada browser ini. Browser ini hanya tersedia versi Java. Jika Anda berminat untuk mencobanya dapat diunduh di http://www.boltbrowser.com/download.html. Sebelum mengunduh kita disuruh mengisi dahulu nama serta alamat e-mail.
6. SkyFire
Browser ini hanya tersedia untuk HP berplatform Symbian 3rd dan Windows Mobile. Sama halnya dengan browser Teashark dan Bolt, browser ini juga masih dalam tahap beta, jadi kemungkinan besar masih menemui beberapa bug pada browser ini, tetapi soal kecepatan layak diacungi jempol. Sementara untuk fitur-fitur yang ada pada Skyfire ini seperti : support flash dan javascript, memiliki kemampuan untuk menyimpan gambar, nonton video serta menikmati konten audio online langsung dari browser. Untuk mengunduhnya dengan mengetikkan link di browser Anda yaitu http://get.skyfire.com/pub/releases/current/Skyfire-S60.sis.
7. Fennec
Beberapa saat lalu, Mozilla merilis versi awal dari Fennec. Apa itu Fennec? Browser "turunan" dari Firefox ini ditujukan untuk peranti mobile, seperti MID (mobile internet device), PDA, dan smartphone. Oleh karena itu, Fennec memiliki beberapa fitur yang khusus dikembangkan untuk peranti mobile, terutama yang mendukung layar-sentuh (touchscreen). Fitur -fitur yang ditawarkan Fennec merupakan fitur bawaan dari Firefox, seperti: tabbed browsing dengan thumbnail situs yang sedang dibuka, bookmark manager dengan tag, smart URL bar, popup blocker, password manager, add-on manager, clear private data, serta akses mudah ke berbagai layanan mesin pencari (search engine).
Selain itu, Fennec juga memiliki beberapa fitur khusus untuk peranti mobile, seperti: mode tampilan memanjang ke bawah (portrait) dan melebar ke samping (landscape), pointer mouse untuk peranti yang tidak mendukung layar-sentuh. Untuk browser yang masih tergolong baru, Fennec ternyata sudah memiliki fitur-fitur yang cukup matang. Memang sih teknik rendering yang dimiliki Fennec masih di bawah Opera Mini, dan Safari Mobile yang digunakan pada iPhone. Namun, fitur tabbed browsing dan add-on yang dibawa oleh Fennec tampaknya akan menjadi fitur kunci dalam perang browser mobile di masa yang akan datang. Sementara ini, Fennec baru tersedia untuk peranti berbasis Linux Maemo seperti Nokia N810 dan Windows Mobile 6. File installernya bisa Anda unduh di http://www.softpedia.com/progDownload/Fennec-Download-88425.html.Selamat mencoba!***
Ngajarah!
ABONG létah taya tulangan. Teu kaur aya béja anu rada ‘ahéng’, gancang pisan nerekabna. Tina sajeungkal, sok jadi dua jeungkal, tilu jeungkal, malah teu pamohalan nepi ka sadeupa. Basa minggu kamari ogé, Néng Cici digosipken sok mandi bari bari nangtung, Néng Cici sok bari nara
“Ari manéh apal ti mana?” Neng Cici tumanya ka Si Buruy.
“Abdi mah ti Si Aték,” témbalna.
“Oh, lamun kitu mah Si Aték ulon-ulonna téh,” Néng Cici mani ngagidir, awahing ku ambek.
“Da Si Aték ogé kénging béja ti internét,”
“Kajeun Si Internét ogé, kuring mah teu sieun,”
“Da internét mah sanés sabangsaning jalmi, Téh,”
“Rék bangsa siluman, rék bangsa genderewo ogé, pasti ku kuring bakal dijorag. Cucungah pisan, maké jeung ngiburkeun perkara anu teu uni. Ceuk saha kuring sok mandi bari nangtung jeung bari
“Ari saleresna kumaha kitu, Téh?” teuing kalepasan, teuing kumaha Si Buruy maké jeung tumanya kitu.
“Na manéh téh, dilelepkeun ku kuring siah!” Puguh baé Néng Cici ambek kabina-bina. Lamun teu kaburu mangprét mah teuing kumaha nasib Si Buruy.
Padungdengan ngeunaan Néng Cici, beuki lila mingkin nambahan baé. Cep Adang anu geus tatahar rék ngalamar Néng Cici, antukna jadi bolay. Pangpangna mah kulawargana ngadadak teu panuju. Karunya Néng cici. Hanas geus nyipta-nyipta rék pangantenan di Situ Mundu, ahirna ukur jadi sawangan.
Tétéla geuningan ngaréka-réka tur manjangan béja téh, matak ngabarubahkeun batur. Nyilakakeun ka nu teu tuah, teu dosa. Tapi bubuhan geus jadi trend, mani taya kapokna. Buktina ti poé kamari, di Cigorowek geus aya béja anyar deui. Rada harénghéng deuih, da puguh anu digosipkeunna hiji tokoh masarakat. Cenah mah Ustad Otong rék ngajarah harta banda lamun keur mangsana paciweuh kerusuhan. Malah diimplik-implikan sagala, Ustad otong téh rék ngajarah sagala rupa anu aya patula-patalina jeung kapentingan pangwangunan.
“Nu balég manéh téh? Piraku Ustad Otong rék jadi lauk buruk milu mijah?” Ulis Kowi mah bangun cangcaya. Pangpangna apaleun pisan kana kalakuan sapopoéna Ustad Otong.
“Sing wani kabéntar gelap!” Hansip Baron ngayakinkeun.
“Apan ari ngajarah téh hiji pagawéan anu dipahing pisan ku agama?!”
“Duka teuing perkara éta mah. Nu jelas, ceuk Kulisi Ook ogé, Ustad Otong rék ngajarah…”
“Kabina-bina teuing atuh. Ari Si Kulisi, meunang béja ti saha?”
“Cenah mah Mang Amanta anu méré iberna téh,”
“Ari Mang Amanta, apal ti saha?”
“Tah, Mang Amanta mah nyahona teh ti Jang Isud,”
“Ari Jang Isud?”
“Nyao teuing, da kuring ogé can kungsi panggih, geus aya kana dua bulanna,” témbal Hansip Baron bari garo-garo teu ateul.
“Lamun kitu mah, mending urang tanyakeun baé ka jinisna, ngarah pararuguh. Ulah dapon percaya kitu baé, bisi pitenah. Lamun Ustad Otong enyaan rék ngajarah, sakalian baé kuring rék milu..”
“Sok wé ka dituh sorangan. Kuring mah moal milu, sieun kalah diambek. Basa Si Buruy konfirmasi ka Néng Cici ogé, kalah rék dibalédog ku halu,” témbalna.
“Béda deui éta mah masalahna. Jeung deui, éta mah kumaha cara nanyana. Apan aya cara-cara nanya anu hadé. Geus maca bukuna?”
“Acan,”
“Nu matak, kudu réa maca buku silaing téh. Ngarah henteu katinggaleun jaman. Hayu ah, kuring mah rék ka imahna Ustad otong.” Kituna téh Ulis Kowi bari langsung cengkat. Léos indit, muru ka imahna Ustad Otong.
Bras, Ulis Kowi ka pakarangan imah Ustad Otong. Kabeneran pisan, Ustad Otong keur meujeuhna rinéh.
“Cios ngajarah téh, Mang ustad?” Ulis Kowi langsung tumanya, kalayan henteu malapah gedang. Puguh baé Ustad Otong ngaranjug.
“Kumaha? Dédéngéan téh ngajarah?”
“Sumuhun. Upami leres mah, abdi oge sakantenan badé ngiring,”
“Na Mang Ulis téh kawas jalma lieur atuh. Piraku kuring rék ngajarah?” Ustad Otong rada muncereng.
“Aéh, punten Mang Ustad. Kuring mah ukur meunang béja ti Si Baron. Saurna Mang Ustad badé ngajarah harta banda,” témbal Ulis Kowi, rada geumpeur. Sakedapan mah Ustad Otong ngahuleng, tuluy ngusap beungeutna bari maca istighfar.
“Kuring mah teu boga niat sarupa kitu, Mang Ulis. Naudzubillahimiandailik…”
“Dupi, dupi saleresna badé ka mana atuh Mang ustad téh?” Ulis Kowi panasaran.
“Kuring mah rek zarah ka tanah Suci, manawi Gusti Alloh marengkeun. Ti baheula kuring hayang ka Mekah téh, muga baé taun ieu mah tinekanan,” témbal Ustad Otong.
“Ké, ké, naha iburna bet jadi ngajarah?”
“Duka teuing éta mah, Mang Ulis. Keun baé anu penting mah kuring teu boga niat kitu. Ceuk Ustad Otong bari imut ngagelenyu.***
Cacalawakan Sama Kang Ahmad
“Haaaaayyyy apa kabaaarrr ? Baraayaaa…”
“Alah-alah… saya mah hamdalah… anda apa kabar anda?”
“Damang sayah mah… Aya dadan?”
“Dadan mah kagak ada dalam kamar sayah.”
“Yang ada dalam kamar anda saha ? Randa yah? Wah bahaaayaa…”
“Parawan laaaah…”
“Walah, parawan mah gak gampang. Kalaw randa rada gampang…”
“Naha
“Saya ada pangalaman dalam hal marawanan mah. Anda kan
“Kagak hanya angan-angan, da sayah mah laksana marawanan Yayank Ana, parawan Banjar la yaw”
“Anda handal…yah, dapat marawanan parawan banjar… mantaapp…”
“Yaaaa kagak ada halangan sanajan sayah acan ngalaman hajatan…”
“Mantap rasanya yah? Kalaw marawanan mah…”
“Nyaan da… mantap…”
“Halalna maah, anda hajatan sajah… Jangan hanya jajan. Anda dan garwa akan dapat anak kalaw hajatan mah. Walaw mahal dan palangkakan garwa anda gatal…”
“Yah, mangkanya sama garwa mah akan sayah laksanakan pada mangsa yang akan datang,”
“Sayah harap anda panjang masa…”
“Agar dapat marawanan garwa pasca hajat…”
“Ah pra hajat sajah…”
“Dalam nagara jawa barat ada hal apa yang hangat?”
“Jakarta
“Jabar mah hanya ada arak-arakan pasangan AMAN,”
“Anda akan pasang yang mana jawaranya? Yang mantap mah pasangan Ahmad-Dadan…Atawa ADAN,”
“saya mah kagak akan ka sasaha… Wah ADAN kayanya dapat sayah dadarkan dalam pakalangan wacana…”
“Yah mantap dan pantas…”
“ADAN mah pan agar masarakat jabar SHALAT,”
“Yah yah… saya sadar akan hal yang anda katakan,”
“Waaahh, kayaknya saya akan nangkarak sajah yaah… Bantal ngadadahan…”
“Mangga mangga anda akan ngalanglang ka alam yang kagak nyata…”
“Dan baham saya cacalawakan sajah…”
“Ya sayah paham…”
“Mantapnya mah… Dalamm gaya
“Hanjakal garwa tak ada dalam nagara Jakarta
“Alah gampang ka TAMAN LAWANG sajah, banyak yang bakal ngadadahan,”
“Ah, lawang mah banyak parawan gagah… Kalaw Mangga Badag dan Gajah Mada banyaak… Anda kan pangalaman dalam nagara jakarta
“apal, sangat apal, banyak parawan yang ada papanjangnya, maksad sayah, yang ada mamasnya,”
“Wah anda apal kana mamasna parawan sagala? Bahaya anda mah. Anda pas ngalalana ka jakarta
“Kagak, sayah mah da Jakarta Barat. Hanya saja apal ka sanah…ngan kagak ngalaman da…”
“Ah maap sayah salah sangka…”
“Ada yang maksa, malah akan bayar sayah, ngan sayahna kagak nampa
“Waah… Jangan nampa
“Ya saya paham, sabab sayah mah hanya akan ngamangsa bangsa hawa sajah…”
“Yah saya paham harapan anda…”
“Sapaham sama saya, hayang ngamangsa hawa sajah…”
“Hawa mah dada dan palangkakannya hangat…:y”
“Dadah ah… Sayah akan rapatkan mata dan nangkarak,”
“Mangga mangga…”
“Ngalanglang hangatnya garwa dalam alam kagak nyata… Wassalam kang…”***
Dongeng Harengheng (Sasakala Reungit)
Néng Wiwin ogé sakedapan mah rada ngahuleng, basa nyaksian Si Buruy anu riringkid mawa bantal jeung simbut, bari ngagidig semu rurusuhan. Bubuhan Néng Wiwin mah jalma anyar, nya tangtu baé can pati apal kana kabiasaan barudak di Cigorowék. Bisa jadi, panyangkana mah rék pundung deui, alatan dicarékan ku akina. Maklum da Si Buruy mah, ampir unggal bulan, pundungna téh. Lamun lain perkara embung dicukur, paling ogé urusan jeung tatanggana, alatan nyumputkeun sendal. Matak urang Cigorowék mah da geus teu pati aranéheun deui.
Tapi ari peuting éta mah, Si Buruy lain rék pundung cara sasarina. Sanajan akina ninitah ogé, Si Buruyna tara daékeun. Pangpangna mah sieun henteu dipangmeulikeun pakéan anyar. Unggal bulan puasa ogé, mémang Si Buruy mah sok pindah saré ka tajug. Malah lain Si Buruy baé. Kaasup batur ngabluna ogé, da sarua tukang meuting di tajug.
Bras, Si Buruy ka hareupeun tajug. Di dinya geus ngadagoan barudak pantaranana aya kana sapuluh urang. Biasa baé, sabangsaning Si Aték, Si Ook, jeung sajabana. Teu pati béda jeung Si Buruy, maranéhna ogé geus tatahar bekel saré sapuratina.
“Jadi kumaha acara peuting ayeuna?” tanya Si Aték, bari menerkeun kopéahna anu rada déngdék.
“Béjana mah, di imah Mang Sarkowi aya dulurna ti kota,” témbal Si Buruy.
“Urang mana?”
“Béjana mah ti Cianjur.”
“Cianjurna di mana?”
“Ciranjang.”
“Wawuh ka Nénéng Rostika?”
“Nyao. Na jeung nanya ka uing atuh. Tanyakeun baé ka jinisna,”
“Aéh heueuh. Aya ku poho,”
“Geulis, teu?”
“Dalapan koma tujuhpuluh tilu.”
“Oh, saluhureun Néng Wida, sahandapeun Néng Lina,” Si Ook mairan.
“Geus gandéng atuh! Kawas urusan matematika baé. Sok di beulah mana éta téh saréna?”
“Moal salah, pasti di kamar tengah. Da kamar tukang mah, apan sok dipaké gudang paré.”
Mémang barudak téh keur meujeuhna badeur. Sakapeung mah sok matak ngajangarkeun kolot. Heureuyna ogé sok kamalinaan. Éta baé, boga pangarasep kana noong ogé, apan geus adat kakurung ku iga. Leuheung basa, lamun tara bari ngaruksak. Da ieu mah, apan bilik imah Aki Jamhuri ogé, nepi ka barolong, balas ditarojosan ku paku. Kungsi éta ogé Si Aték neunggar cadas. Basa hiji mangsa keur noong budakna Mang Suhadma. Teu kanyahoan mimitina, Mang Suhadma geus aya di tukangeunana, bari mawa haseupan. Teu antaparah deui, haseupan téh dirungkupkeun kana sirah Si Aték, nepi ka tosblong. Puguh baé Si Aték reuwas kabina-bina. Beretek lumpat tipararétot. Mangkaning haseupan téh, hésé pisan diudarna.
Dina Bulan Puasa taun ieu mah, acara Si Buruy anu kaitung ngetrend kénéh teh, nyaéta abring-abringan dina wanci saur, bari nakolan sabangsaning kaléng butut. Malah sakali mangsa mah, nepi ka bedug masigit ogé apan diparanggul. Leuheung basa, lamun diteundeun deui kana urutna. Da ieu mah sangeunahna pisan atuh. Clé di mana karep. Puguh baé, basa Ustad Otong rék nakol bedug subuh, kacida medenghelna barang ningali bedug geus teu nyampak di tempatna. Mangkaning di Cigorowék mah apan can aya spéker. Geus ilahar, wanci subuh téh tandana ku nakol bedug. Ustad Otong kutuk gendeng, bari kukurilingan néangan bedug. Kapanggih-panggih téh, ngajugrug di sisi balong anu Mang Lurah, pipireun pisan kamar Néng Lina.
Sapeuting harita mah, Si Buruy saparakanca, teu bisa ‘raraméan’ cara sasari. Sajabana ti kaayaan hujan, katambah geus disetrap, tur meunang peringatan ti Mang Lurah. Lamun sakali-kali deui nyieun masalah sarupa kitu, mangka moal dibéré kolek cau, sésa ‘konsumsi’ anu tarawéh. Antukna ngan ukur ngawangkong, bari ngararasakeun panon anu geus hayang liliaran.
“Aya ku loba-loba teuing reungit, euy. Mani napuk kieu,” ceuk Si Aték, bari gogoléhéan kana rékal. Kituna téh leungeunna mani pahibut, ngeprakan reungit.
“Étah, ulah dipaéhan. Reungit téh leluhur urang kénéh,” ceuk Si Buruy.
“Na kabina-bina teuing, ari ngomong téh.” Si Aték nyéréngéh.
“Itu geura. Marukana ngawadul. Uing mah nyaan, ceuk Bah Anés. Sing Wani kabéntar gelap tah,”
“Kumaha sih caritana?”
“Kieu…” derekdek baé Si Buruy nyaritakeun dongéng perkara reungit, anu kungsi didongéngkeun ku Bah Anés sawatara waktu kaliwat. Kieu cenah mah:
Jaman baheula téh, antara reungit jeung jalma, aya patula-patalina. Hanjakal pisan, kaayaan waruga anu kalintang bédana. Ari reungit mah awakna gedé, tapi teu bogaeun jangjang. Ari jalma mah, awakna leutik (sagedé reungit jaman ayeuna) tapi boga jangjang.
Dina hiji poé, basa jalma keur gegeleberan luhureun kulambu, reungit pangangguran ngajakan ngawangkong.
“Jal, sigana lamun uing bisa hiber, aya bahan rada ngeunaheun nya. Bisa nginjeum jangjang, teu?” ceuk reungit, bari cengkat. Kop kana sendal, tuluy leumpang, muru ka palebah jalma anu keur euntreup.
“Ah, embung. Ké uing moal bisa hiber atuh,” témbal jalma.
“Kajeun atuh, da moal lila ieuh,” Reungit satengah maksa.
“Sok atuh, asal uing nginjeum awak silaing. Uing ogé hayang ngasaan boga awak gedé.” pokna. Meunang sakedapan mah, reungit ngahuleng. Tapi lila-lila mah unggut-nggutan bari nyéh baé seuri.
“Sok atuh, tapi omat, ulah kabur,”
“Rék kabur kumaha? Apan awak gedé mah, babari néanganna ogé. Mun sotéh uing, tinggal hiber baé rék niat kabur mah,”
“Aéh, enya nya.” Reungit nyatujuan. Satuluyna mah, tukeuran wéh. Awak reungit dibikeun ka jalma. Jangjang jalma dibikeu ka reungit.
Nya ti harita pisan, kaayaan waruga reungit jadi leutik téh. Tapi ku lantaran jalma ngarasa ngaunah mibanda awak badag. Antukna teu daekeun ditukeuran deui. Kungsi sakadang reungit nyusulan jalma ka Babakan Sophia. Tapi béjana mah, jalma téh kalah nyumput dina jero lomari. Malah nepi ka ayeuna, jalma kalah nyiar tarékah, sangkan henteu diontrog ku reungit. Pon kitu deui, nepi ka kiwari, reungit taya kabosen néangan jalma. Tapi jalma siga anu api-api torék. Najan reungit ngagorowok kana liang ceuli ogé, angger baé teu didéngé. Malah sok kalah dipaéhan.
“Ké, ké, ké…asa teu pati nyambung carita téh. Euweuh ti dituna, bangsa manusa kudu urusan jeung reungit mah…” Si Ook ngahuleng.
“Geus, teu kudu dipikiran. Pilakadar ogé dongéng Bah Anés gedebul. Dipercaya teuing atuh,”
“Jadi, pangna reungit sok nyoco téh, sigana mah alatan awakna teu dibikeun deui, nya?”
“Enya bener. Tapi ari perkara reungit anu sok rajeun nyerot getih mah, aya alésan khusus atuh,”
“Naon tah?”
“Apan aya kénéh, sésa pasifatan jalma anu ngancik dina reungit,”
“Na ari jalma, baheulana sok resep nyerot getih jalma kitu? Aéh, getih reungit?
“Bandungan baé jalma jaman ayeuna…” kituna téh bari menerkeun bantalna. Ukur sakédét nétra, geus kadéngé sora kérékna.
Leng, Si Aték ngahuleng, bangun anu jangar naker tayohna téh.***
Langganan:
Postingan (Atom)